Matteo ‘military’ ang 2nd wedding kay Sarah

Ni JOVI LLOZA

SIMPLE at pili lang ang mga imbitado sa kasal nina Sarah Geronimo at Matteo Guidicelli nung Pebrero taong kasalukuyan bago mag-lockdown.

Pero maituturing ni Matteo na best day sa kanya ang kasalan nila ni Sarah.

Nakita naman ni Matteo na masaya ang kanyang misis sa piling niya.

Pero ‘di pa raw nagtatapos dun ang kanilang pag-iisang dibdib  at may plano pa sila ng isa pang kasalan.

Kung si Sarah ang tatanungin ay private wedding ang dream nito para sa kanila ng mister.

Pero ang biggest dream ni Matteo ay military wedding at ‘yun ang plano nito para sa kanilang kasal ulit ni Sarah.

Isa lang ang wish ni Matteo, na mag-reconcile na sila ng kanyang in-laws.

Ayon sa netizen, mangyayari lang ito kapag nagka-baby na ang celebrity couple.

Well, well, well… ‘Yun na!