Wala pang 1 araw, may 5 M views na Tiktok video nina Winwyn, Mahal, at Jackie Lou patok sa netizens

Ni BKC

BENTA sa netizens ang #ThaiDanceChallenge ni Winwyn Marquez sa Tiktok kasama sina Mahal at Jackie Lou Blanco.

Wala pa ngang isang araw ay pumalo na ito sa 5 miilion views na talagang ikinagulat at ikinasaya ng stars ng Owe My Love (OML).

Sa huling silip namin, may mahigit 6M views na ang nasabing #ThaiDanceChallenge na ayon kay Winwyn ay si Mahal daw ang nagdala. Pabirong hirit pa ni Winwyn sa kanyang IG story: “Si ate Mahal lang talaga ang malakas! Back up lang kaming 2 ni tita @jackielou.blanco”

Ang Owe My Love ang upcoming GMA Public Affairs romantic-comedy series na ipalalabas sa Kapuso Network. Kitang-kita sa kanilang video na super enjoy sina Winwyn habang naka-break sa ongoing lock-in taping para sa nasabing show na pagbibidahan nina Lovi Poe at Benjamin Alves.

Sa nasabing TV series, gaganap si Winwyn bilang si Trixie Gibbs na ka-love triangle ng karakter nina Lovi at Ben na sina Sensen at Doc Migs. Si Jackie Lou naman ay ang step mom ni Doc Migs na si Divina Alcancia habang ang kanyang small but terrible sidekick na si Mini Divi ay ipo-portray naman ni Mahal.

***

Aiko may sweet farewell message para sa ‘Prima Donnas’ family

NAKAKA-touch ang message ni Aiko Melendez para sa cast and crew ng GMA Afternoon Prime series na ‘Prima Donnas’ sa pagtatapos ng kanilang lock-in taping.

Sa isang Instagram post na makikita ang group photo ng cast members kasama ang kanilang direktor na si direk Gina Alajar, pinasalamatan ng Kapuso actress ang lahat ng bumubuo ng serye.

Aniya, “And we are the #PrimaDonnas Family! As we come to the end of our lock-in taping, I would like to take this chance to thank the hardworking staff and crew of our show. Thank you! There were times we were at the edge of giving up because of the pressure of working in a pandemic situation. “Lock-in taping is never easy, you are away from your family. But these people I am with in this picture, made this taping an environment full of fun and unity!”

Kahit pa raw tapos na ang kanilang lock-in taping, mapapanood pa rin hanggang next year ang kasamaan ng kanyang karakter na si Kendra, “Kendra will take a bow for now. Her evilness will end today but our viewers will still see us till next year! So sana watch pa din kayo!”

Pinasalamatan din ni Aiko ang Kapuso Network kung saan siya kasalukuyang napapanood, “It has been a great honor and blessing to be working with my Kapuso Network who made me feel so loved considering I am not under contract. But you babied me and made me feel so special.”

Samantala, ‘wag palampasin ang kapana-panabik na mga eksena sa ‘Prima Donnas’ tuwing hapon pagkatapos ng Ika-6 Na Utos sa GMA-7.  ‘Yun na!

***

Ken Chan sumabak sa firearm training para sa ‘Ang Dalawang Ikaw’

KAKAIBA at challenging ang karakter na ipakikita ni Ken Chan para sa upcoming Kapuso series na ‘Ang Dalawang Ikaw.’

Kamakailan nga ay sumabak si Ken sa firearm training bilang paghahanda sa kanyang karakter sa serye na si Nelson.

Si Nelson kasi ay may dissociative identity disorder o DID kaya wala siyang malay na nakakabuo siya ng alternate personalities at isa riyan si Tyler, isang gun dealer/smuggler.

Extrovert si Tyler na malayong-malayo sa totoong personalidad ni Nelson. Magkakaroon din si Tyler ng girlfriend sa katauhan ni Beatrice, na gagampanan ni Anna Vicente, kahit pa may asawa na si Nelson, si Mia, na gagampanan naman ni Rita Daniela.

Makakasama rin nila sa drama sina Dominic Roco, Jake Vargas, Joana Marie Tan, at Jeremy Sabido.