Actor-produ Joed Serrano nagtapat, nireyp ng bading na movie reporter

Ni GERRY OCAMPO

MAGING ang  actor/producer  ng  Anak ng Macho Dancer na si Joed Serrano  ay  naging  biktima  pala  ng rape noong nagsisimula  pa lang  sa showbiz.

Sa  set  ng shooting  ng  nasabing movie  na idinirek  ni  Joel Lamangan  ay  game na nakipagtsikahan  din si Joed sa ilang entertainment  press.

May  nagulat  at  mayroon  din  naman  nakakaalam na may pusong babae si Joed. Pero  ang  gumulat  sa lahat ay nang  ikuwento  ni Joed  na  “ginalaw”  siya  ng  baklang movie reporter.

Nangyari  ang  insidente sa Roper Studio habang inaayusan siya ng baklang  movie reporter.

“Inaayusan  ako  pero wala naman  damit  na inaayos  dahil naka-brief lang ako para sa pictorial. Doon niya ako ginalaw pero tila  nabitin ang baklang reporter, dinala niya ako sa motel at doon na ako first  time na ginamit sa likuran (anal sex),” kuwento ni Joed.

Sixteen year old  siya nang unang magalaw. Pero kung nalaman  daw  ng kanyang mama ang nangyari sa kanya noon ay masasabi na ni-rape siya ng nasabing reporter.

Sa  tanong kung kailan siya nag-out (aminin na siya ay may pusong babae).

“Nang  ipanganak ako ay naka-high heels na ako, pero itinago ko dahil  ako  ang bread winner  sa  aming pamilya,” pag-amin ni Joed.

Nag-open na siya sa show ni Sharon Cuneta abroad. Doon daw niya  nasabi  sa sarili na wala na siyang pakialam na aminin na siya ay isang gay.

Ngayon  ay  masaya  na siya  dahil  wala siyang  dapat itago sa kanyang  tunay  na  kasarian.