Founder ng ‘Munificent Ministry Investment’ scam arestado

ARESTADO sa pinagsanib na pwersa ng CIDG Misamis Oriental PFU, Opol Municipal Police Station, at Maitum Municipal Police Station ang mga founder ng Munificent Mininistry Investment Scam sa Cagayan De Oro City.
Kinilala ang mga naaresto na sina Rolando Joseph Jr, 36; at Fe Cadallo Joseph, 36, kapwa residente sa Zone 1, Amao Road, Brgy. Bula.
Sa ulat, 10:00 ng gabi nang inaresto ang dalawa sa Blk. 6, lot 19, Gran Europa, Barangay Lumbia, Cagayan De Oro City sa bisa ng warrant of arrest na inilabas ni Hon. Rebecca Seredrica sa kasong Syndicated Estafa.
Ayon sa ulat, founder ang mga suspek ng Munificent Ministry Investment scam na nag-o-operate sa Gensan at Sarangani Province at marami nang nabiktima.
Nasa CIDG Misamis Oriental PFY Office ang mga suspek para sa documentation at proper disposistion.