P20m luxury vehicles nakumpiska ng BoC

NASA P20 million halaga ng luxury cars ang nakumpiska ng Bureau of Customs sa Manila International Container Port.
Ayon sa Customs, idineklara ng consignee na Blue Core Enterprises bilang furnitures ang nasabing mga sasakyan.
Naghinala ang mga otoridad sa x-ray kaya nang siyasating mabuti ang mga laman ng shipment, tumambad ang imported luxury vehicles. Kinabibilangan ito ng Bentley, Porsche, Mercedez Benz at half-cut Volkswagen.
Mahaharap sa kasong paglabag sa Customs Modernization and Tariff Act ang importer ng nasabing mga mamahaling sasakyan.
Nagpapatuloy pa ang isinasagawang imbestigasyon ng mga otoridad sa ilang sangkot sa pagpuslit sa mga naturang sasakyan .(Jocelyn Domenden)