PBA: Topex Robinson na-promote na full-time head coach ng Phoenix

INANUNSYO ng Phoenix Super LPG nitong Linggo na itinaguyod si Topex Robinson na maging full-time head coach simula November 1.
Si Robinson ay tinapik na interim head coach ng team simula September 11, nang makipaghiwalay ang Fuel Masters sa dating head coach Louie Alas.
“We look forward to achieving more with (Robinson), as he continues to further develop the team’s potential, while establishing a franchise with a winning culture,” ayon sa statement ng team.
Sa ngayon ang Fuel Masters ay meron ng 4-3 win-loss rekord sa 2020 PBA Philippine Cup.
Ito ang unang head coaching stint ni Robinson sa PBA, matapos magsilbing head coach ng Lyceum Pirates sa NCAA.
Naging assistant coach din siya sa Alaska bago sumali sa Phoenix kasama si Alas noong 2017.