Jake inatake nang malayo sa ka-live-in na si Kylie

Ni GERRY OCAMPO

MALAPIT nang maging mommy ang Kapuso actress  na  si  Joyce Ching. Sa  latest vlog ng actress ay naging hamon sa kanya  ang maging isang mommy  for  a  day.

Sinimulan  niya  muna  na mag-babysit  para sa kanyang  isang taon gulang  na pamangkin  na  si Caleb.  Gusto  kasi  ni  Joyce  maranasan kung  paano  haharapin ang mga duties ng isang mommy.

Nagsimula  siya  sa  paghahanda  ng  breakfast  at baby formula para kay Caleb. Nandoong  pinaliguan din daw niya  ang pamangkin at binantayan  ng buong araw sa bahay.

Pero  mas  nauna  pa  nakatulog  si Joyce  kaysa  sa inaalagaang baby na naglalaro  habang  mahimbing  siyang  nakatulog  sa  sopa.

Ang nangyari tuloy ay ang mister niyang si Kevin Alimon  ang nag-alaga dahil sa  nakitang sobrang napagod na ang misis.

“Ito na po si momshie  for  a day, borlogs  na!” pabirong  say ni Kevin.

Tinapos na ni Joyce ang pag-aalaga  sa kanyang  pamangkin  hanggang  magdesisyon na ihatid  na si Caleb sa mga magulang nito bago sumapit ang bedtime.

Sa  sandaling experience ni Joyce sa pag-aalaga ng isang baby ay napagtanto nito na hindi biro ang mag-alaga at hindi biro ang maging  isang ina.

***

INATAKE ng separation anxiety  si Jake Cuenca  dahil  hindi  kasama ang girlfriend/live-in partner  na  si Kylie Padilla. May bagong project kasi ngayon  ang beauty queen.

Sa kanyang Instagram ay nag-emote nang husto si Jake dahil sobrang miss  daw  niya ang girlfriend. Nagmistula tuloy marriage proposal  ang post ni Jake para kay Kylie.

Kahit  nahirapan  sa  pag-iisa  ay suportado pa rin ni  Jake  si  Kylie sa bagong project nito na kailangan nga na mag-lock-in.

Dahil  sa nakaka-touch na post ni Jake  sa girlfriend ay  hindi naman nagpatalbog  ang beauty queen sa ginawa nitong mensahe para kay Jake.

“I  love  you so much, you mean the whole  world to me. Thank  you  for always  being  there  for me.  I`ll  always  consider you  as  my mentor. Thinking  about  you  and missing  you  everyday. Kiss nuggie for me.  I love you  and  see  you soon!” say  ni  Kylie  kay  Jake.

***

PANAWAGAN:  Dapat  siguro na magising na ang mga tao sa ilang politicians na hangad lang ay kapangyarihan at hindi pagtulong sa mga mamamayan.

Grabe ang  pagiging  sakim ng isang politician sa kanyang  posisyon  at  magaling  gumawa ng paraan para mapalabas na kailangan at gusto siya ng mga kasamahan.

Sayang ang mga gahaman na pulitiko na magaling at matalino pero  wala naman talagang pagmamahal sa sambayanan.

Dapat sa mga ganyang pulitiko ay hindi na mahalal sa mga susunod na election.           Sila ang nakatatakot na mahalal sa mas mataas na posisyon sa bansa.