Lalaki patay nang sumabit ang leeg sa lubid ng saranggola, angkas sugatan

KALUNOS-LUNOS ang sinapit ng isang  lalaki nang sumabit ang leeg nito sa lubid ng saranggola habang nagmamaneho at tinatahak  ang diversion road sa Barangay Cabalangegan, Vigan City.

Kinilala ang biktima na si Benedict Tipon Paiste, 36, may asawa, electrician at residente ng Brgy. An-annam, Bantay; habang sugatan ang angkas nitong si Reynante Pugal.

Sa ulat, bigla na lamang  natumba ang motorsiklo ng biktima at halos maputol ang leeg sa pagkakasabit nito sa lubid ng saranggola.

Mahaharap sa kasong Reckless Imprudence Resulting to Homidice ang dalawang lala-king nagmamay-ari ng  lubid at sarangola na kinabibilangan ng  menor de edad at 27-anyos.(PFT team)