Ermat ni Janella, hinangaan sa pagtanggap sa pagbubuntis ng anak

MAPALAD na anak si Janella Salvador dahil may nanay siyang marunong umunawa  sa kanyang  kalagayan  ngayon.

Ang ibang magulang kasi kapag nabalitaan na buntis ang kanilang anak ay kaagad na palalayasin at itatakwil, pero ang nanay ni Janella na si Jenine Desiderio ay tanggap ang sitwasyon ng anak.

Yes, ngayon ay masasabi na si Janella ang young actress na nabuntis  at  next month na, October, ang due ng kanyang panganganak.

Sasamahan  ni Jenine ang anak na si Janella sa UK para doon magsilang  ng first born baby nila ni Markus Paterson. Sumama rin ang isa pang anak ni Jenine na si Russel sa UK para damayan ang kapatid na actress.

Tila  huli na nga raw ang pakiusap ng isang fan ni Janella sa ina nito na si Jenine  na ilayo ang young actress  kay Markus dahil buntis na ito at nakatakdang magsilang ng baby next month.

May  nagtanggol naman daw kay Markus na responsable ito at his age. Maganda nga raw ang  ginawa nito na dalhin sa UK si Janella para makaiwas sa tsismis.

Walang  update photo  si Janella sa kanila ni Markus,  maliban lang sa post nito ng larawan  ng isang  solitary  rose na may caption  na, “as long  as  I  have you,  I`m  home.”

Dahil sa salitang “red rose” ay agad na nag-isip  ang netizens na clue  yun  na baby girl  ang kanyang  pinagbubuntis.

Well, sana lang ay hindi danasin ni Janella ang karaniwang dinaranas ng mga  maagang  nagkakaanak  na iwanan ng lalaki  pagkatapos  ng ilang taong pagsasama.

***

NORA AUNOR GAGAWA NG SHORT FILM NA HENERALA SALUD

MAY  movie  pala  na  gagawin  ang Superstar na si Nora Aunor,  ang  Henerala  Salud  na isang true to life story ng former beauty queen from Cabuyao,  Laguna  na naging  rebelde laban sa mga Amerikano.

Ayon  daw  sa artistic director ng  Tanghalang Pilipino na si Nanding  Josef, ang magpo-produce ng short film sa 67 years old  na si Salud  Algabre ay ang Tanghalang Pilipino, in time para sa celebration ng National  Women`s  Month  (March 2021).

Pumayag na raw ang Superstar para gawin ito kaya  sa ngayon ay sinusulat na ang script  ng short film  at ayon na rin kay Nanding ay  igagawa rin ito ng full-length film ng Tanghalang Pilipino with a partner producer.

Samantala,  nag-post  naman si Rosanna Roces na magkasama sila ni Nora at may caption na, “With my Ninang Guy and Direk (@direkdaryllyap). Inisip tuloy ng mga nakakita ng larawan na magkasama ang tatlo at may gagawin din silang pelikula.

“May  pinresent kami sa kanya (Nora) sana tanggapin,” pahayag ni Osang nang tanungin kung may pelikula nga ba silang gagawin ng Superstar?

Kung sakaling matuloy nga ang pagsasama nina Osang at Ate Guy ay hindi ito ang una dahil nagkasama na sila sa mga pelikulang Hustisya  at  Kinabukasan. (Gerry Ocampo)