MMA: Victoria Lee lumagda sa ONE Championship

INANUNSYO ng ONE Championship na lumagda sa kanila si Victoria Lee, ang 16-year old mixed martial arts prodigy na pinanganak mula sa pamilya ng martial artist at world champions.
Si Lee ay nakababatang kapatid ng ONE Womens Atomweight Champion na si Angela Lee at ONE Lightweight World Champion Christian Lee.
Ipinakilala siya sa martial arts ng kanyang magulang, na nagsanay at humubog ng kanyang talento sa murang edad.Ang dalagita ay kinukunsiderang isa sa top MMA prospect sa mundo.
“I feel extremely excited and motivated to be part of ONE Championship,” wika ni Lee. “Inspired by watching my older brother and sister compete on the biggest global stage of martial arts competition, I am ready to take my career to the next level and compete with the world’s best martial arts athletes.”
Kabilang si Victoria sa grupo ng atomweight division kung saan ang kanyang kapatid ang kasalukuyang champion.