Mga brgy. na sabit sa SAP anomaly patuloy na mino-monitor – DILG

SINIGURO ng Department of Interior and Local Government (DILG) na kanilang imo-monitor ang mga barangay na may mga nasuspindeng opisyal dahil sa katiwalian sa Social Amelioration Program (SAP) distribution.
Sinabi ni DILG Usec. Martin Diño, hindi mapapabayaan ang mga barangay, lalo’t may mga caretaker naman sa ilalim ng rule of succession, kahit mawala ang mga elected officials dito.
Ayon kay Usec. Diño, Layunin ng monitoring na makita ang daloy ng serbisyo mula sa national government hanggang sa mga komunidad.
Posible rin umanong masundan pa ang pagsasampa ng kaso laban sa mga barangay officials, kapag nakumpleto na nila ang paglikom ng ebidensya.