Pemberton haharap pa sa court martial proceedings sa US – Malakanyang

Tiniyak ni Presidential Spokesman Harry Roque na haharap pa sa court martial proceedings sa Estados Unidos si US Marines Lance Cpl. Joseph Scott Pemberton.
Ito ang inihayag ni Presidential Spokesman Harry Roque sa press briefing kahapon.
Saad pa ni Roque na ito ang ipinangako ng US authorities noong pre-trial ng kasong pagpaslang ni Pemberton kay Jennifer Laude.
Nilinaw ni Roque na sa court martial proceedings malalaman kung may ipapataw pang karagdagang parusa kay Pemberton at kung kuwalipikado pa itong manatili sa serbisyo.
Nitong Linggo (Setyembre 13) ay bumalik na sa pinanggalingang bansa si Pemberton. (Josephine Patricio/Vanz Fernandez)