Dating UP player Bea Daez-Fabros nahirang na WNBL ambassador

NAPILI na bagong ambassador ng WNBL, ang dating UP guard na si Bea Daez-Fabros inanunsyo ng liga sa kanilang social media account nitong Biyernes.
Ang dating University of the Philippines (UP) Fighting Maroon ang magiging mukha ng liga matapos makamit ng WNBL ang approval ng Games and Amusement Board (GAB) na maging unang professional cage league para sa kababaihan.
Maliban sa kanyang paglalaro sa UP, sumabak din si Fabros sa Gilas Pilipinas-Women sa FIBA-Asia Women’s cup nakaraang taon, naging broadcaster rin sa UAAP games hindi lang sa womens basketball matches pati na rin sa mens.
Ang WNBL ay inilunsad noong 2019, at plano na isasagawa ang kanilang ikalawang season sa susunod na taon kapag humupa ang health situation sa bansa.
Sinabi ni Daez-Fabros na nasurpresa siya sa ibinigay sa kanya na role, pero karangalan na tumulong palawakin ang women’s basketball sa Pilipinas.
“I was so shocked because I just recently had my first baby and thought that my basketball career would stop already. But I guess I was wrong. I welcome the opportunity with open arms because it has really been my goal to do everything I can to help grow women’s basketball,” wika ni Daez-Fabros.
“With this role, I just aim to be the voice for all the female ballers out there to spread the news about WNBL and help create excitement for the new league so that the first-ever professional league for women will be a success.
“This has been a dream for almost all female ballers so I’ll do everything I can to help make the league flourish and make the talents of female ballers shine through the league,” dagdag pa nya.