BuCor, ‘di pa ipoproseso ang release order ni Pemberton – DoJ

KINUMPIRMA ng Department of Justice (DOJ) na hindi pa ipoproseso ng Bureau of Corrections (BuCor) ang release order ni Marine Lance Corporal Joseph Scott Pemberton.
Ito ang sinabi ni DOJ Usec Mark Perete nitong Huwebes, Setyembre 23.
Si Pemberton ang Amerikanong sundalong pumaslang sa transgender na si Jeffrey alyas Jennifer Laude.
“As a matter of procedure, the BuCor will not process Pemberton’s release pending resolution of the MR,” ani Perete.
Nilinaw ni Perete ang pagkaantala sa proseso ng release paper ni Pemberton ay dahil sa nakabinbin sa korte na Motion for Reconsideration (MR) ng mga counsel ng pamilya ni Jennifer Laude.
Una nang inihayag ni BuCor Director Gerald Bantag na itinigil muna ang pagproseso sa release order ng akusado dahil sa nakaapela pa ang kaso. (Josephine Patricio)
***