Higit P1.6M undocumented travel expenses ng OSG noong 2019 nasilip ng COA

Binusisi ng Commission on Audit (COA) ang higit P1.16 milyon undocumented travel expenses ng Office the Solicitor General (OSG) noong 2019.
Inilahad ng state auditors sa kanilang 2019 Annual Audit Report sa OSG, hindi suportado ng mga karampatang dokumento ang P1.16 milyon local at foreign travel expenses ng OSG na isang paglabag ito sa COA Circular No. 2012-001 and Presidential Decree (PD) No. 1445.
Batay sa naturang COA circular, ang gastos para sa local travel ay dapat justified at may kalakip na certificate of appearance/ attendance, at certification ng head ng ahensiya.
Nakalakip din sa naturang circular na ang travel abroad ay dapat may maisumiteng certificate of appearance/ attendance for training/ seminar participation at narrative report sa trip undertaken/report on participation.
Nakasaad naman sa PD 144 na anumang claims sa government funds ay dapat suportado ng karampatang dokumento. (Josephine Patricio)