PhilHealth reimbursement tuloy pa rin kahit may imbestigasyon – Duque

Binigyan-diin ni Department of Health (DOH) Secretary Francisco Duque III na tuloy pa rin ang reimbursement ng PhilHealth sa mga ospital sa kabila ng suspensiyon ng ahensiya sa Internal Reimbursement Mechanism (IRM).
Ito ang inihayag ni Duque sa kanyang panayam sa isang press conference kahapon.
“Iyang reimbursement ng PhilHealth po sa mga ospital patuloy po yan. That is part of their operation,” ani Duque.
Tiniyak ni Duque sa stakeholders na kumikilos at pinupunan na ngayon ng PhilHealth ang mga sinasabing butas sa IRM mechanism. Kasalukuyang iniimbestigahan ng mga awtoridad ang kinuwestiyong release ng P15-B IRM fund ng PhilHealth.
Ayon sa Commission on Audit hindi malinaw ang pagkakasaad ng gastos sa P14-B ng nasabing pondo. (Josephine Patricio)