IM Chito Garma nanguna sa Baby Uno Chess Challenge

PANGUNGUNAHAN ni international Master Chito Garma ang mga malalakas na kalahok sa pagtulak ng Baby Uno Chess Challenge na tinampukang Ivan Cup 16 players Invitational online tournament sa chess portal Lichess sa Biyernes, Agosto 21 sa ganap na 4pm.
Ang dating pambato ng University of Manila na si Garma ang inaasahang mag-uuwi ng titulo sa nine-round Swiss system tournament, 7 minutes play to finish time control format matapos magkampeon sa Baby Uno Chess Challenge na tinampukang Retired PNP Captain Jun Isaac nitong nakaraang Linggo.
Nakopo ni Garma ang titulo sa online tournament na may higher tie break points kontra kina fellow 12 pointers 2nd placer Fide Master Alekhine “Bbking” Nouri at 3rd placer Sherwin Tiu.
Ating magugunita na si Garma ang nagkampeon sa Ninth Asian Seniors Chess Championships na ginanap sa Tagaytay International Convention Center, Tagaytay City noong Nobyembre 2018.
Ang iba pang invited players sa one day blitz event Ivan Cup 16 players Invitational online tournament na inorganisa ng Bayanihan y sina International Master Angelo Young, Woman International Master Bernadette Galas, Fide Master Jony Habla, Woman Fide Master Cherry Ann Mejia.