92-anyos nadale ng P7m ng ‘budol-budol’

ARESTADO ang isang lalaki na umano’y utak ng “budol-budol” sa entrapment operation sa Balagtas, Bulacan.
Kinilala ang biktima na si Remedios Buizon, 92 anyos; at ang suspek na si Anthony Jitula, 24.
Sa ulat, naaresto si Jitula sa labas ng isang bangko matapos niyang tanggapin ang perang P7 milyon ng biktima.
Ayon sa report, kilala umano ni Buizon ang mga suspek dahil nagkabentahan na sila ng mga kagamitan noong nakaraang buwan.
“Di natin alam kung gaano kagaling ‘yong skill nila sa pag-convince pero na-convince nila ang biktima, kasi according sa records ng bank ay talagang nagkaroon ng withdrawal,” sabi ni Balagtas, Bulacan chief of police Major Neil Cruzado. (James De Jesus)