TODA leaders ipatatawag sa quarantine violations

MAGKAKAROON ng pagpupulong ang transport leaders sa buong bansa at ang police commanders kaugnay ng mga napauulat na paglabag sa quarantine protocols.
Sa pahayag ng Joint Task Force COVID Shield, inatasan na nila ang police officers na magkaroon ng dayalogo sa mga namumuno ng Transport Operators at Drivers Association (TODA) sa kanilang nasasakupan.
“If this calls for the arrest or cancellation of the driver’s license or the franchise, so be it,” ani Police Lieutenant General Guillermo Lorenzo Eleazar.
May kabuuang 320,102 quarantine violators ang nabigyan ng babala, pagmumulta, at nakasuhan simula noong Marso. (Gaynor Bonilla)