Alessandra nagreak sa kontrobersyal na pahayag ni Sen. Villar sa medical frontliners

ISA ang mahusay na aktres na si Alessandra de Rossi sa nagpahayag ng saloobin hinggil sa kontrobersyal na pahayag ni Sen. Cynthia Villar.

Matatandaang marami ang nagreak nang negatibo matapos sabihin ni Sen. Villar na hindi na anya kailangan pang ibalik sa Enhanced Community Quarantine (ECQ) ang Metro Manila. Pagbutihan na lang umano ng medical frontliners ang kanilang mga trabaho.

Ito ay bunsod sa kahilingan ng mga medical frontliners na ibalik sa ECQ ang MM dahil sa lumulobong bilang ng kaso ng may Covid-19 sa bansa.

Isa si Alessandra sa mga nagbigay ng suporta sa mga frontliners at nagpahaging sa nasabing senadora. –(Jerome Arellano)